IS-i “rrëmbeu” dhjetëra gra e fëmijë në jugperëndim të Sirisë

18:09 | 30 Korrik 2018
Arbresh.info

Militantët e grupit Shteti Islamik po mbajnë peng mbi 30 gra dhe fëmijë në jugperëndim të Sirisë, tha Vëzhguesi Sirian i të Drejtave të Njeriut – grup që monitoron luftën në Siri.

 

Pengjet besohet se janë marrë gjatë sulmeve të Shtetit Islamik javën e kaluar, në një zonë të dominuar nga pakica etnike Druze në rajonin Suveida.

Së paku 215 njerëz u vranë në sulmet vetëvrasëse atje.

Qeveria e Sirisë e kontrollon shumicën e rajonit, ndërsa Shteti Islamik mban një pjesë të vogël.

Ushtria siriane, e mbështetur nga Rusia, ka nisur së voni fushatën për të rimarrë kontrollin e zonave nga xhihadistët dhe rebelët.

Vëzhguesi Sirian i të Drejtave të Njeriut tha se së paku 36 gra dhe fëmijë janë rrëmbyer nga Shteti Islamik.

Sipas raporteve, disa gra kanë arritur të ikin, ndërsa dy kanë humbur jetën.

Shteti Islamik nuk ka folur ende për këto rrëmbime.

Druzët janë pakica fetare e tretë më e madhe në Siri.

Shpërndaje në rrjete sociale

Lajmet më të lexuara

Të ngjashme

Foto lajm